بالصور / محمد علي النهدي :”حبيت نقسم معاكم فرحتي، أمي حالتها الصحية تحسنت وهذه صورة حصرية لها”
نشر الممثل محمد علي النهدي صورة لوالدته الفنانة القديرة سعاد محاسن وأرفقها بتدوينة قال فيها أن حالتها الصحية تحسنت وأنه يريد أن يقسم فرحته مع التونسيين، وكانت والدته قد تعرضت لوعكة صحية في الأيام الفارطة.
وهذا نص التدوينة :
تفاءلوااااااا
فإذا ضاقت الأرض بالأمنيات … فسماءُ ربيّ أوسع
و مهما أردت و مهما سعيت … فما قدر الله لنا أروع
هذه صورة حصرية للوالدة الفنانة القديرة “سعاد محاسن ” حبيت نقسم معاكم فرحتي بتحسنها على المستوى الصّحي ، أوّلا الحمد و الشّكر لله
ثانيا الشكر لعائلتي و خاصّة الوالد و زوجتي.
الشكر للدكتور فيصل الهنتاتي و الصديق العزيز الدكتور محمد علي السباعي و الدكتور برهان التركي. و أخيرا شكري الكبير و الكبير جدّا لكل أصدقائي و ليكم إنتوما على دعواتكم و مساندتكم و كلامكم و قلوبكم الطيّبة و حبّكم للفنانة سعاد محاسن.
كنت نتمنى برشا حاجات في حياتي و لكن أمنيتي الوحيدة الآن هي أنّو أمّي ترجع كيما قبل تمرجني بالتاليفونات تطلبني خمسين مرّة في الدقيقة وكيف نبدى لاهي و لا راقد و ما نهزش نحلّ الباب نلقاها قدامي وينك يا محمد علي ! و ينك يا محمد علي !شبيك ما تهزش التليفون ؟ محلا إسمي في فمّها
آه يا قلبي
وصيّة منّي ليكم أمّك ثمّ أمّك ثمّ أمّك
ربّي يفضللكم و يحميلكم أمّاتكم و ربي يرحم و ينعّم إلّي توفاو🤲🏻
