الدكتور ماهر العبّاسي يدعو رئيس الحكومة للتدخّل : كارثة كبرى ستحلّ بالبلاد يوم السبت
نشر الدكتور ماهر العباسي المختص في الإنعاش و التخدير تدوينة على حسابه بالفايسبوك ناشد فيها رئيس الحكومة هشام المشيشي للتدخل و إيقاف مسيرة حاشدة يعتزم الإتحاد التونسي للشغل تنظيمها يوم السبت في باجة دون مراعاة للوضع الوبائي و تفشي عدوى فيروس كورونا و هذا نص التدوينة:
يا هشام يا مشيشي كارثة كبرى ستحلّ بتونس نهار السبت هذا !!! إتحاد الشغل يقرر القيام بمسيرة حاشدة نهار السبت في باجة ….
شوف وبكلّ هدوء … راو هذا إسمو جريمة إبادة جماعية ….
أنا نتفهم أنو المستوى العلمي متاع الكمشة باندية هذوكم مايسمحلهمش باش يفهمو خطورة القرار الغبي الحمار الأحمق هذا ولكن الدولة التونسية فيها علماء كبار …..
والعلماء هذومة قالو مليون مرّة لا للتجمعات خاطر تعمل إبادة جماعية …..
ولهذا يا مشيشي إنت قدام مسؤولية تاريخية … كان الطبوبي يحب يعمل مجزرة خاطرو جاهل إنت تتحمّل مسؤولية كل روح تطيح خاطرك تعرف وتفهم ….
حياة أهالي باجة في رقبتك يا مشيشي لا تسمح لهؤلاء الجهلة باش يعملو إبادة جماعية !!!
