أخبارأخبار وطنية

منير بن صالحة يخرج عن صمته ويكشف تفاصيل جديدة في قضية ”براكاج الإعلامية سحر حامد” !

علق المحامي منير بن صالحة على تصريحات الإعلامية سحر حامد قائلاً : “الإعلامية( المشتغلة بلا شهائد في الصحافة )خرجت في الإعلام و قالت الاستاذ منير بن صالحة-المحامي ما عندوش حتى انسانية نحب نقلها صحيح

ما عنديش غرام انسانية مع الي يظلم و مع الي يركّب القضايا و مع الي ما يخافش ربي و مع الي يرضى انو كبش فداء يدخل للحبس فقط بش هو يخبي حكاية ما يحب حتى حد يعرفها ما عنديش انسانية مع الكذاب و الي كلامو متضارب ..”

في هذا الإطار ،أضاف محامي نبراس التريكي : “قالت الإعلامية( المشتغلة بلا شهائد في الصحافة ) زادا ما نعرفش علاش المتهمة خرجت من الحبس نجاوبك انا نقلك الي القضاء المحايد و المستقل هو الي خرجها تعرف علاش :
– على خاتر الحرس كيف مشاو لمكان البراكاج المزعوم ما لقاء حتى آثار للجريمة لا فرامل لا تكسير لا دم لا شعرة لا حتى شيء يدل على وقوع براكاج .
– على خاتر كلبك الكنيش الأبيض الي منعك من الموت ما عليه حتى قطرة دم .
– على خاتر كرهبتك ما عاين عليها الباحث حتى قطرة دم .
– على خاتر العِلم اثبت إنو المتهمة ماكانتش في محيط الجريمة و هذا باعتماد مكان الهاتف الجوال متاعها و مكان كرهبتها المجهزة ب GPS .
– على خاتر ثبت انك في نهار البراكاج المزعوم كنت في بلاصة اخرى غير مكان الجريمة الوهمي .
نزيدك و الا يزي …..
تحب نزيد نحكيلك كيفاش تجبد الملف من الحرس و هزيتوه للشرطة ؟ نجبدلك علاش تهز للشرطة و شكون خدمو في الشرطة ؟ نجبدلك شكون المخبر الي اعتمدتوه بش تولي منوبتي الي اصلا ما تعرفكش و ما عندها حتى علاقة بيك تولي متهمة ؟
تعرف انت شكون المخبر
و تعرف شكون عون الامن الي خدم الملف
و لا فايدة في ذكر الأسماء
كيف صدر حكم من اللول على المتهمة شبيك شكرت القضاء و قلت انا فرحانة ؟
وحدة اخرى في بلاصتك تتغشش خاتر ما جابوليكش الي شلطك و حكمو على مرا وحدها من غير الراجل الي قلت شلطك باهي فينو الراجل ما تحبش البحث يتواصل بش نلقاووه؟
باهي شبيك كيف البحث طلبنا اعادتو و عاود الملف رجع للحرس شبيك خوضت الدنيا و تعيط و تقول وقفو البحث ما عاتش نحب البحث يتواصل و يزي ؟ زعما من شنوة خايفة انت ؟
انت كيف حضرت آخر مرة في الإعلام قلت ماهوش براكاج الحكاية فيها” إنّا” و هذا الي قلتو انا من اللول الي الحكاية ماهاش براكاج الحكاية بالحق فيها” إنّا ” و الإنّا ” تعرفها انت و نعرفوها احنا و نستناو فيك بش نسهلها على روحك قبل فوات الأوان .
حبل الكذب قصير !
توة وليت تقول ما هوش بر اكاج غلطوا فيا : هذي حكاية جديدة باهي شكوني المرا الي غلطو فيها و شنوة علاقتك بيها ؟
شوف المتهمة بريئة و انت تعرف الي هي بريئة
حرام عليك الي عملتو فيها
كيف قتلك شبي الفاصمة مرة على اليمين و مرة على اليسار حبيتك توري للناس الضربة بش يعرفو تشليط و الا تخبيش و الفرق كبير لانو كيف ياقف راجل طولو زوز ميترو يشلط في مرا بموس لام لمدة 4 دقايق صعيب وجها يرجع بعد اسبوع و الإجابة تلقاها طبعا عند الدكتور المنصف حمدون (خدوش سطحية )
و الخدوش السطحية ما نعملولهمش غرز صغار الا في حالة وحدة كيف نحبو نوهمو الناس بحكاية غير موجودة ….
على كل حال موش بش نكمل ، عطيتك الحوايج الي تعرفهم و نخلي الي ما تعرفوش للقضاء
و البقية تأتي ,” حسب قوله

منير بن صالحة يخرج عن صمته ويكشف تفاصيل جديدة في قضية ”براكاج الإعلامية سحر حامد” !

المصدر : موقع تونس اف ام

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!
إغلاق